@@..pink flower ..@@
عدد الرسائل : 117
تاريخ التسجيل : 14/03/2008
 | موضوع: ((( فـــــــ الخفـوق ــــــز)))  الأحد مارس 16, 2008 3:09 am | |
| فزّ الخفوق وقلت يالله عسى خير
أ ثر الليالي عاد غايب قمرها
مع شوفته نشوه و فزّه و تخدير
و عيون خلاّن(ن) تعانق نظرها
يفزّ له قلبي كما فزّة الطير
و الرجل كن اللي تحتها غدرها
ا صبح عمري يا صباح التباشير
نوره ملا قلبي و روحي غمرها
عقب الفراق اللي تعدّى المحاذير
يبّس غصون القلب جافي دهرها
ربّع بـروحي عقب ماهي معاسير
سحابة(ن) هلّت بقلبي مطرها
و اسقَى بها زرعة هوانا بتقدير
غرسة غرام(ن) بالمحبه بذرها
يا عاذلين العين والله مخاسير
و اللي درَى عن حال عيني عذرها
تشوم عيني عن جميع الغنادير
و إن ناظرت عيني فوادي نهرها
يا ناس احبه و المحبه مقادير
هذا هوَى نفسي و هذا قدرها
و الحب ماله يا اهل الحب تفسير
قلبين و الله بالمحبه امرها
لا جيت اصوّر حالة الحب تصوير
و أرد عن حالي لخلّي خبرها
لقيت وجدي فوق كل التعابير
كل الشعر قطره و شوقي بحرها | |
|
لعيونك
المدير العام
عدد الرسائل : 157
العمر : 38
تاريخ التسجيل : 18/02/2008
| | موضوع: رد: ((( فـــــــ الخفـوق ــــــز))) الأحد مارس 16, 2008 11:50 pm | |
|
قصيده من اجمل القصايد اللي سمعتها صح لسان قائلها
والله يعطيك العافيه على نقلها
| |
|
Red*flower
عدد الرسائل : 133
تاريخ التسجيل : 15/03/2008
| | موضوع: رد: ((( فـــــــ الخفـوق ــــــز))) الأحد مارس 30, 2008 1:52 pm | |
| وه بس  تجنن القصيده ويسلمووووووووووو | |
|
